NE/Prabhupada 0150 - हामीले जप त्याग्नुहुँदैन

The printable version is no longer supported and may have rendering errors. Please update your browser bookmarks and please use the default browser print function instead.


Lecture on SB 6.1.15 -- Denver, June 28, 1975


अथापि ते देव पदाम्बुज​-द्वयं प्रसाद​-लेशानुगृहीत एव हि
जानाति तत्त्वं न चान्य एको ऽपि चिरम् विचिन्वन्
(श्री भा १०|१४|२९)

जसलाई कृष्णको अहैतुकी कृपा परेको छ, तिनीहरुले कृष्णलाई बुझ्नसक्छन् | अरु, न चान्य एको ऽपि चिरम् विचिन्वन् | चिरम् भनेको धेरै समयसम्म, धेरै वर्षसम्म , यदि तिनीहरु कल्पना गर्छन् कि भगवान् को हुनुहुन्छ, वा कृष्ण को हुनुहुन्छ, त्यो प्रक्रियाले हामीलाई मदत गर्नेछैन | त्यस्ता धेरै वैदिक संस्करण छन् :

अतः श्री-कृष्ण​-नामादि न भवेद् ग्राह्यम् इन्द्रियै:
सेवोन्मुखे हि जिह्वादौ स्वयम् एव स्फुरत्य् अदः
(चै च मध्य १७|१३६)

कृष्ण, उहाँको नाम, उहाँको कीर्ति, गुण, उहाँको क्रियाकलाप ... श्री-कृष्ण​-नामादि न भवेद्... नामादि भनेको "पवित्र नामको सुरुवातबाट |" त्यसैले सम्भव छैन ... यदि हामी आफुलाई भौतिक स्तरमा राख्छौं भने हजारौँ वर्ष जप गरेपनि यो गाह्रो हुन्छ | त्यसलाई नामापराध भनिन्छ | अवश्य पनि, पवित्र नाम यति शक्तिशाली छ कि अपराध सहित जप गरे पनि क्रमिक रुपमा ऊ शुद्ध हुन्छ | तसर्थ हामीले जप त्याग्नुहुँदैन | कुनै पनि परिस्थितिमा हामीले निरन्तर हरे कृष्ण जप्नुपर्छ | तर चेतावनी यो छ कि यदि हामीले आफुलाई भौतिक स्तरमा राख्छौं भने कृष्णलाई बुझ्न सम्भव छैन, उहाँको पवित्र नाम, उहाँको गुण, उहाँको रूप, उहाँको लिला बुझ्न सकिंदैन | यो सम्भव छैन |

त्यसैले यसको प्रक्रिया भक्ति हो | र जब तपाई कृष्णलाई बुझ्ने स्तरमा आउनुहुन्छ, तब तपाई तत्काल आध्यात्मिक जगतमा स्थानान्तरित हुन योग्य हुनुहुन्छ | कृष्णले पनि भगवद् गीतामा भन्नुहुन्छ, त्यक्त्वा देहं पुनर् जन्म नैति माम् एति (भ गी ४|९) |