NE/Prabhupada 0212 - वैज्ञानिक रुपमा मृत्यु पछि जीवन हुन्छ

The printable version is no longer supported and may have rendering errors. Please update your browser bookmarks and please use the default browser print function instead.


Garden Conversation -- June 10, 1976, Los Angeles


प्रभुपाद: आधुनिक शिक्षामा तिनीहरु बुझ्न सक्दैनन् कि यो जन्म, मृत्यु, बुढ्यौली र रोगको पुनरावृत्ति एउटा झन्झट हो | तिनीहरु यो बुझ्दैनन् | किन तिनीहरु यसलाई स्वीकार्छन् ? यसलाई स्वीकार्ने, तिनीहरु सोच्छन् कि अरु कुनै उपाय छैन | तर यदि यसलाई रोक्ने कुनै उपाय छ भने तिनीहरु किन यसलाई ग्रहण गर्दैनन् ? हँ ? यो शिक्षाको के मूल्य रहन्छ ? तिनीहरु सहि र गलतबीच भेद देख्न सक्दैनन् | कसैलाई मृत्यु मन पर्दैन, तर मृत्यु हुन्छ | कसैलाई बुढो बन्न मन छैन, तर बुढ्यौली हुन्छ | किन तिनीहरु यी ठुला समस्याहरुलाई छेउमा राख्छन् र वैज्ञानिक विकासमा गर्व गर्छन् ? कस्तो प्रकारको शिक्षा हो यो ? यदि तिनीहरु सहि र गलतबीच भेद देख्न सक्दैनन् भने यो शिक्षाको के नतिजा निस्कन्छ ? शिक्षा भनेको मानिसले सहि र गलतबीच भेद देख्न सक्नुपर्छ | तर तिनीहरु देख्न सक्दैनन्, वा तिनीहरुलाई थाहा पनि छैन कि मृत्यु राम्रो होइन, तर तिनीहरु मृत्यु रोक्ने प्रयास किन गर्दैनन् ? विकास कहाँ छ ? तिनीहरु विज्ञानको विकासमा धेरै गर्व गर्छन् | विकास कहाँ छ ? तिमी मृत्यु रोक्न सक्दैनौ | तिमी बुढ्यौली रोक्न सक्दैनौ | तिनी आधुनिक औषधि उत्पादन गर्न सक्छौ, तर किन तिमी रोग रोक्न सक्दैनौ ? यो औषधि लिऊ, कुनै रोग हुनेछैन | त्यो विज्ञान कहाँ छ ? हँ ?

नलिनीकण्ठ​: तिनीहरु भन्छन् कि तिनीहरु यसमा प्रयास गर्दैछन् |

प्रभुपाद: त्यो अर्को मूर्खता हो | गफ लगाउने |

गोपवृन्दपाल​: जसरी हामीले भन्छौं कि कृष्ण भावना क्रमिक विधि हो, तिनीहरु भन्छन् कि तिनीहरुको वैज्ञानिक विकास पनि क्रमिक विधि हो |

प्रभुपाद: क्रमिक विधि, तर के तिनीहरु सोच्छन् कि तिनीहरु मृत्यु रोक्न सक्छन् ? हामी विश्वस्त छौं कि हामी घर फर्कदैछौं, भगवद्-धाम फर्कदैछौं, कृष्णकहाँ | तर तिनीहरुको दृढता कहाँ छ कि तिनीहरु मृत्यु, बुढ्यौली, रोग रोक्न सक्छन् ?

डा वोल्फ: नयाँ गफ यो छ कि तिनीहरु भन्छन् कि तिनीहरु प्रयास गर्दैछन्, तिनीहरुले यो तथ्य स्थापित गरेका छन् कि मृत्युपछि जीवन हुन्छ |

प्रभुपाद: जीवन हुन्छ |

डा वोल्फ: तिनीहरु पुनः यसलाई वैज्ञानिक रुपमा सिद्ध पार्ने प्रयास गर्दैछन् |

प्रभुपाद: तिनीहरुलाई गर्न देऊ | वैज्ञानिक रुपले, मृत्युपछि जीवन हुन्छ | हामी बारम्बार भन्छौं, कि मेरो बालक शरीर अहिले मृत छ, त्यो गइसक्यो, गायब | मसँग भिन्न शरीर छ | त्यसैले मृत्युपछि जीवन हुन्छ | यो व्यवहारिक छ | यो कृष्णले भन्नुहुन्छ, तथा देहान्तर​-प्राप्तिः (भगी २।१३) | त्यसैगरी, न हन्यते हन्यमाने शरीरे (भगी २।२०) | यो भगवानको आधिकारिक बयान हो, र व्यवहारिक रुपमा हामी देख्छौं कि हामीले एउटा शरीरपछि अर्को प्राप्त गर्छौं, तर म निरन्तर रहन्छु | आपत्ति कहाँ छ ? मृत्युपछि जीवन हुन्छ | तथाकथित मृत्यु भनेको शरीरको विनाश हो | जब हामी त्यो जीवनप्रति अडिग हुन्छौं, जुनपछि मृत्यु हुँदैन, तब त्यसको पछाडि लाग्नुपर्छ | त्यो बुद्धिमानी हो | भगवद्गीतामा उलीख गरिएको छ, कि यदि तिमीले केवल कृष्णलाई बुझ्छौ र यदि तिमी उहाँकहाँ फर्कन योग्य हुन्छौ भने त्यसपछि कुनै मृत्यु हुनेछैन |