NE/Prabhupada 0319 - भगवानलाई स्वीकार, आफुलाई भगवानको दास भनेर सम्झिऊ, र भगवानको सेवा गर

The printable version is no longer supported and may have rendering errors. Please update your browser bookmarks and please use the default browser print function instead.


Room Conversation with Sanskrit Professor, other Guests and Disciples -- February 12, 1975, Mexico

अतिथि (४): धर्म भनेको धार्मिक विश्वास हो वा कर्तव्य हो ?

प्रभुपाद : होइन, धर्म भनेको कर्तव्य हो, वर्णाश्रम-धर्म | त्यो पनि त्याग्नुपर्छ | त्यो भनेको एकमात्र कर्तव्य कृष्ण भावना हो | उहाँले भन्नुभयो, सर्व-धर्मान् परितज्य | सुरुमा उहाँले भन्नुभयो कि धर्म​-संस्थापनार्थाय​ | हो | युगे युगे सम्भवामि | उहाँले भन्नुभयो कि "म धार्मिक सिद्धान्त पुनर्स्थापना गर्न आउँछु |" अन्तिम स्तरमा उहाँले भन्नुभयो, सर्व​-धर्मान् परित्यज्य​ | त्यो भनेको यो संसारमा विद्यमान तथाकथित धर्महरु वास्तविक होइनन् | त्यसैले भागवतमा भनिएको छ, धर्मः प्रोज्झित​-कैतवो ऽत्र (श्री भा १|१|२), कि "सबै किसिमको झुटो धर्म अस्वीकार गर्नुपर्छ |" झुटो धर्म भनेको के हो ? झुटो.... जस्तै सुन | सुन सुन नै हुन्छ | यदि सुन कोहि हिन्दुको हातमा भयो भने के त्यसलाई हिन्दु सुन भनिन्छ ? त्यसैगरी, धर्म भनेको भगवानप्रति आज्ञाकारी गर्नु | हिन्दु धर्म कहाँ छ ? इशाई धर्म कहाँ छ ? मुस्लिम धर्म कहाँ छ ? भगवान् सर्वत्र हुनुहुन्छ, र हामीले केवल भगवानको आज्ञा पालना गर्नुपर्छ | त्यो एउटा धर्म हो, आज्ञा पालना गर्ने | किन तिनीहरुले हिन्दु धर्म, मुस्लिम धर्म, इशाई धर्म, यो, त्यो उत्पादन.....? त्यसैले तिनीहरु सबै झुटो धर्म हुन् | धर्म भनेको आज्ञाकारी.... धर्मं तु साक्षाद् भगवत्-प्रणीतम् (श्री भा ६|३|१९) | जस्तै कानून | कानून राज्यले बनाउँछ | त्यो कानून हिन्दु कानून, मुस्लिम कानून, इशाई कानून हुन सक्दैन | कानून सबैको लागि बनाइएको हुन्छ | राज्यको नियम पालना गर्नु | त्यो कानून हो | त्यसैगरी, धर्म भनेको भगवानको आज्ञा पालना गर्नु | त्यसोभए, भगवान् सम्बन्धि कुनै धारणा नभएको, कुनै विचार नभएको मानिसको लागि धर्म कहाँ छ ? त्यो झुटो धर्म हो | त्यसैले तिमीले भागवतमा पाउँछौ, धर्मः प्रोज्झित​-कैतवो ऽत्र​: (श्री भा १|१|२) | "सबै झुटो किसिमका धर्महरु अस्वीकार गर्नुपर्छ |" र कृष्णले पनि उही कुरा भन्नुभएको छ, सर्व-धर्मान् परितज्य: (भ गी १८|६६) "तिमी यो सबै झुटो धर्म त्याग | तिमी केवल ममा शरणागत होऊ | त्यो वास्तविक धर्म हो |" झुटो धर्मको बारेमा कल्पना गरेर के फाइदा मिल्छ | त्यो धर्म नै होइन | जस्तै झुटो कानून | कानून झूटो हुन सक्दैन | कानून भनेको कानून हो, राज्यले दिएको | त्यसैगरी, धर्म भनेको भगवानले दिनुभएको आज्ञा हो | त्यो धर्म हो | यदि तिमीले पालन गर्छौ भने तिमी धार्मिक हुन्छौ | यदि तिमीले पालन गर्दैनौ भने तिमी राक्षस हुन्छौ | कुराहरु सजिलो बनाऊ | तब यो सबैको लागि आकर्षक हुन्छ | यो कृष्ण भावनामृत अभियान कुराहरुलाई सहज बनाउनको लागि हो | भगवानलाई स्वीकार, आफुलाई भगवानको दास भनेर सम्झिऊ, र भगवानको सेवा गर | त्यति हो, तीन शब्दहरु |