CRMA/Prabhupada 0024 - Kṛṣṇa Li tellement gentil
Lecture on SB 3.25.26 -- Bombay, November 26, 1974
Quand Arjuna ti pe gette Kṛṣṇa face a face - Kṛṣṇa ti pe enseign Bhagavad-gītā - pu gette Kṛṣṇa ek quand ou lire Bhagavad-gītā, li la meme chose. Pena aucun difference. Enn personne, li capave dire "Arjuna ti chanceux to gette Kṛṣṇa face a face ek prend l'instruction". Sa li pas corek. Ou capave trouve Kṛṣṇa, immediatement si ou ena li zieux. Donc fine dire, premāñjana-cchurita... Prema ek bhakti, la meme chose. Premāñjana-cchurita-bhakti-vilocanena santaḥ sadaiva hṛdayeṣu vilokayanti [Bs. 5.38]. Mo pu raconte enn zistoire lor sa sujet, ti ena enn brāhmaṇa dans sud de L'inde, dans temple Raṅganātha, li te pe lire Bhagavad-gītā. Ek li ti illetres. Li pas ti cone lire ni Sanskrit ni aucun lette, illetres. Bane dimoune, voisin, ti coner ki "Sa misier la li illetres, ek li pe lire Bhagavad-gītā." Li ti pe over Bhagavad-gītā, "Uh, uh," coumesa. Alors enn personne faire en joke, "brāhmaṇa, coument ou pe lire Bhagavad-gītā?" Li fine comprend ki "Sa personne la be bajiner parski mo illetres." Coumesa, Caitanya Mahāprabhu ti dans temple Raṅganātha sa zour la, ek Li fine comprend ki "Ici c'est enn devot." Alors Li fine approch li and li fine demande li, "Mo cher brāhmaṇa, ki ou pe lire?" Donc li fine comprend li "Sa personne la pas pe bajiner." Li dire, "Misier, mo pe lire Bhagavad-gītā. Mo pe esseye lire Bhagavad-gītā, mais mo illetres. Donc mo Guru Mahārāja fine dire "To bizin lire 18 chapite tou le zour." No pena aucun conaisance. Mo pas capave lire. Quand meme sa, Guru Mahārāja fine dire, alors mo pe esseye suive so instruction ek overt pages, c'est tou. Mo pas cone lire." Caitanya Mahāprabhu dire "Parfois mo trouve toi pe pleurer." Apres, "Oui, mo pe pleurer." "Ki faire ou pe pleurer quand ou pas cone lire?" "Non, parski quand mo prend Bhagavad-gītā, mo trouve enn photo, ki Kṛṣṇa li tellement gentil ki Li vine Arjuna so chauffer charet, sārathi. Li so devot. Donc Śrī Kṛṣṇa Li tellement genti ki Li fine accepter position enn servante. parski Arjuna ki pe command Li, "Amene mo charet ici", ek Kṛṣṇa ti pe servi li. Donc Kṛṣṇa Li tellement gentil. Quand mo gette sa photo la, mo pleurer." Alors Caitanya Mahāprabhu toute suite Li caress li, "Ou pe lire Bhagavad-gītā. Sans aucun edication, ou pe lire Bhagavad-gītā." Li caress li.
Alors sa... Coument li ti pe gette sa photo? Parski li ti enn amant de Kṛṣṇa, li pas faire narien, eski li capave lire bane ślokas ou pas. Mais li ti absorber dans l'amour de Kṛṣṇa ek li ti pe trouver, Kṛṣṇa ti asiser, ek Li ti pe roule charet de Arjuna. Sa ki bizin.