| Kainsapan Kṛṣṇa suroasipun kawula sedaya kedah ngraos lega dhateng menapa kemawon ingkang dipuntampi minangka pangestunipun Gusti Pangeran. Punika kemawon. Amargi menika, kawula nyarataken bilih para sisya kawula kedah krama. Amargi perkawis punika minangka satunggaling reribed. Gesang seks minangka satunggaling reribed. Dados pawiwahan wonten ing lebetipun saben mangsarakat, menapa menika mangsarakat Hindu, mangsarakat Kristen utawi mangsarakat Muslim. Lan pawiwahan punika dipuntindakaken lumantar pranatan agama. Mila punika suraosipun kawula sedaya kedah ngraos lega bilih, “Oh, Gusti Pangeran sampun ngintun priyantun kakung punika dhateng kawula kangge dados garwa kakung kawula.” Lan priyantun kakung punika kedah menggalih bilih, “Gusti Pangeran sampun ngintun priyantun estri punika dhateng kawula, priyantun estri ingkang sae punika, kangge dados garwa estri kawula. Mangga kawula sedaya nglampahi gesang punika kanthi rukun, tentrem lan raharja.” Nanging menawi lajeng kawula ngersakaken bilih, “Oh, garwa estri kawula punika mboten sae. Priyantun estri punika langkung sae,” utawi, “Garwa kakung kawula punika mboten sae. Priyantun kakung punika langkung sae,” mila sedayanipun dados bibrah. Sedayanipun dados bibrah.
|
