MK/Prabhupada 0317 - Ние не Му се Предаваме на Кришна. Ова е болест
Lecture on BG 4.7 -- Bombay, March 27, 1974
Обидете се да разберете што е религија. Значи Бог е еден. Бог не може некаде да каже дека „Ова е религија и ова не е религија“. Бог вели, Бхагаван Кришна во Бхагавад-гита вели... Овде се вели дека yadā yadā hi dharmasya glānir bhavati (БГ 4.7), paritrāṇāya sādhū... Во следниот стих Тој рече,
- paritrāṇāya sādhūnāṁ
- vināśāya ca duṣkṛtām
- dharma-saṁsthāpanārthāya
- sambhavāmi yuge yuge
- (БГ 4.8).
Двете работи на Кришна. Бидејќи Тој веќе објасни, bhūtānām īśvaraḥ. „Јас сум контролор на сите живи суштества“. Затоа, кога има несогласувања во извршувањето на дармата, тогаш Тој треба да казнува и наградува. Paritrāṇāya sādhūnāṁ vināśāya ca duṣkṛām. Две работи.
Исто како што е должност на владата да даде заштита на граѓанинот кој го почитува законот и да ги казни престапниците. Овие се двете должности на владата. И врховната влада, Кришна... Од каде е дојдена оваа идеја? Владата го наградува лицето кое го почитува законот или дава заштита, а за тој што не го почитува законот, има и заштита, но со казнување. Дарма значи, како што вели Кришна во Бхагавад-гита, sarva-dharmān parityajya mām ekaṁ śaraṇaṁ vraja (БГ 18.66). Ова е дарма. Ова е дарма. А нашата дарма, нашата карактеристика е и тоа.
Затоа што секој од нас некому му се предал. Анализирајте ги сите. Има некој надреден, каде што се предал. Тоа може да биде неговото семејство, неговата сопруга или неговата влада, неговата заедница, неговото општество, неговата политичка партија. Каде и да одите, карактеристиката е да се предадете. Тоа не можете да го избегнете. Тоа беше разговорот со професорот Котовски во Москва. Го прашав: „Сега ја имаш својата комунистичка филозофија. Ние ја имаме нашата филозофија за Кришна. Каде е разликата во филозофијата? Вие му се предадовте на Ленин, а ние му се предадовме на Кришна. Каде е разликата?" Сите треба да се предадат. Не е важно каде се предава. Ако предавањето е добро, тогаш работите се добри. Ако предавањето не е добро, тогаш работите не се добри. Ова е филозофијата. Значи ние се предаваме.
Шри Чаитанја Махапрабху го објасни ова. Jīvera svarūpa haya nitya-kṛṣṇa-dāsa (ЧЧ Мадја 20.108-109). Ние се предаваме, но не му се предаваме на Кришна. Ова е болеста. Ова е болеста. А движењето за свесност за Кришна значи да се излечи оваа болест. Излечи ја оваа болест. И Кришна доаѓа. Тој вели, yadā yadā hi dharmasya (БГ 4.7). Dharmasya glāniḥ, несогласувања во однос за извршувањето на религијата, кога има несогласувања, Кришна вели, tadātmānaṁ sṛjāmy aham. И abhyutthānam adharmasya. Две работи се таму. Кога луѓето не му се предаваат на Кришна, тие произведуваат многу Кришни, за многу измамници да се предадат таму. Тоа е адхармасја. Дарма значи да му се предадеш на Кришна, но наместо да му се предадеш на Кришна, сакаат да се предадат на мачки, кучиња, ова, она, толку многу работи. Тоа е адхарма.
Кришна не дојде да ја воспостави таканаречената хинду религија или муслиманска или христијанска религија. Не. Тој дојде да воспостави вистинска религија. Вистинската религија значи дека треба да се предадеме, да се предадеме на вистинската личност. Тоа е вистинска религија. Се предаваме. Секој има некоја идеја. Таму се предал. Било политички, социјални, економски, верски, било што. Секој има некоја идеја. И водачот на тој идеал е исто така таму. Значи нашата работа е да се предадеме. Тоа е факт. Но, не знаеме каде да се предадеме. Тоа е тешкотијата. И бидејќи предавањето е погрешно или на погрешно место, затоа целиот свет е во хаотична состојба.
Ние го менуваме ова предавање во тоа предавање. Нема повеќе Конгресна партија. Сега е Комунистичката партија“. Повторно, „Нема повеќе Комунистичка партија. Оваа... Оваа партија, таа партија“. Која е користа од промена на партијата? Бидејќи оваа или онаа партија, тие не му се предаваат на Кришна. Значи, освен ако не дојдете до точка да му се предадете на Кришна, не може да има мир. Тоа е поентата. Едноставното менување од лошо кон полошо, нема да ве спаси.