NE/Prabhupada 0296 - यद्यपि येशु ख्रिस्टलाई सूलीमा चढाइएयो, तर उहाँले आफ्नो मत कहिल्यै परिवर्तन गर्नुभएन
Lecture -- Seattle, October 4, 1968
वेदमा प्रमाण छ कि भगवान् हुनुहुन्छ | हरेक शास्त्रमा, हरेक महान व्यक्तित्व, भक्त, भगवानको प्रतिनिधि...... जस्तै येशु ख्रिस्टले भगवानको जानकारी दिनुभयो | यद्यपि उहाँलाई सुलीमा चढाइयो, तर उहाँले आफ्नो मत कहिल्यै परिवर्तन गर्नुभएन | हामीसँग शास्त्र, वेद, महान व्यक्तित्वबाट प्राप्त प्रमाण छ, तर पनि यदि मैले "भगवान् मृत हुनुहुन्छ | भगवान् हुनुहुँदैन" भन्छु भने म कस्तो किसिमको मानिस हुँ त ? यस्तो मानिसलाई दानव भनिन्छ | तिनीहरुले कहिल्यै विश्वास गर्दैनन् | तिनीहरुले कहिल्यै विश्वास गर्दैनन्........ दानवको ठिक उल्टो भनेको बुधा हो | बुधा भनेको धेरै बुद्धिमान एवं विद्वान मानिस | तसर्थ चैतन्य-चरितामृतमा भनिएको छ, कृष्ण ये भजे से बड चतुर | जो कृष्णद्वारा आकर्षित हुन्छ र उहाँलाई प्रेम गर्छ...... आराधना गर्नु भनेको प्रेम गर्नु | सुरुवातमा यो आराधना हुन्छ तर अन्त्यमा यो प्रेम हुन्छ | आराधना | इति मत्वा भजन्ते मां बुधा | जो विद्वान छ, जो बुद्धिमान छ, जसलाई थाहा छ कि कृष्ण सम्पूर्ण कारणको पनि कारण हुनुहुन्छ....... ईश्वरः परमः कृष्णः सच्-चिद्-आनन्द-विग्रहः अनादिर् आदिर् गोविन्दः सर्व-कारण-कारणम् (ब्र स ५|१) सर्व कारण: सबै कुराको कारण हुन्छ, कारण र प्रभाव | त यदि तपाई "यसको कारण के हो, यसको कारण के हो, यसको कारण के हो" भनेर खोज्दै जानुहुन्छ भने तपाईले कृष्णलाई पाउनुहुनेछ | सर्व-कारण-कारणम् | र वेदान्तमा भनिएको छ, जन्माद्य् अस्य यतः (श्री भा १|१|१) | तपाईले भन्न सक्नुहुन्न कि कुनै कुरा स्वतः उत्पन्न भयो | त्यो मूर्खता हो | सबै कुराको उत्पत्तिको स्रोत हुन्छ | त्यो बुद्धिमानी हो | यो नभन्नुहोस्........ जसतै आधुनिक विज्ञानमा भनिन्छ कि "हुनसक्छ सुरुमा एउटा थुप्रो थियो र त्यसपछि सृष्टि भयो |" यो "हुन सक्छ" मात्र छ, तपाई बुझ्नुहुन्छ | यस प्रकारको ज्ञान पनि बेकार हुन्छ | तपाईले पत्ता लगानुपर्छ | यदि मैले वैज्ञानिकलाई "यो थुप्रोको कारण के हो ?" भनेर सोधें भने तिनीहरुले जवाफ दिन सक्दैनन् | त्यसैले त्यो कारण पत्ता लगाउनुहोस् र तपाईले पाउनुहुनेछ कि...... यदि मैले पत्ता लगाउन सक्दिनँ भने मैले अनुसरण गर्नुपर्छ......महाजनो येन गतः स पन्थाः (चै च मध्य १७|१८६) | हामीले आधिकारिक आचार्यहरुको अनुसरण गर्नुपर्छ | यदि तपाई इशाई हुन चाहनुहुन्छ भने येशु ख्रिस्टको अनुसरण गर्नुहोस् | उहाँ भन्नुहुन्छ कि "भगवान् हुनुहुन्छ |" त्यसपछि तपाईले स्वीकार्नुहोस् कि भगवान् हुनुहुन्छ | उहाँले भन्नुहुन्छ कि "भगवानले यो सिर्जना गर्नुभयो |" उहाँले भन्नुभयो कि 'सृष्टि होस्' र सृष्टि भयो | हामी यो स्वीकार्छौं, "हो, भगवानले सिर्जना गर्नुभयो |" भगवद् गीतामा पनि भगवान् कृष्णले भन्नुहुन्छ, अहं सर्वस्य प्रभवो (भ गी १०|८), "म स्रोत हुँ |" भगवान् सृष्टिको स्रोत हुनुहुन्छ | सर्व-कारण-कारणम्: (ब्र स ५|१) | उहाँ समस्त कारणको पनि कारण हुनुहुन्छ | हामीले महान व्यक्तित्वको उदाहरण लिनुपर्छ, हामीले आधिकारिक पुस्तक र वेदहरुको अध्ययन गर्नुपर्छ र हामीले त्यहाँ प्रस्तुत भएका उदाहरणहरुको अनुसरण गर्नुपर्छ; तब कृष्ण भावना वा भागवत साक्षात्कार वा भागवत चेतना कठिन हुँदैन | यो धेरै सजिलो हुन्छ | भगवान् को हुनुहुन्छ भनेर बुझ्ने मार्गमा कुनै बाधा-अड्चन हुँदैन | हामीसँग सबै कुरा छ | हामीसँग भगवद् गीता छ, श्रीमद् भागवतम् छ | तपाईले स्वीकार्ने बाइबल छ, कोरान छ, सबै छ | भगवान् बिना कुनै पुस्तक वा शास्त्र रहन सक्दैन | अवश्य पनि आजकल तिनीहरु धेरै कुराको उत्पादन गर्दैछन् | तर हरेक मानव समाजमा भगवानको धारणा हुन्छ- समय अनुसार, मानिस अनुसार, तर धारणा भने हुन्छ | अब तपाईले बुझ्नुपर्छ, जिज्ञासा | तसर्थ वेदान्त-सूत्रमा भनिएको छ कि तपाईले जिज्ञासाद्वारा भगवानलाई बुझ्ने प्रयास गर्नुहोस् | यो जिज्ञासा धेरै महत्वपूर्ण हुन्छ |