OR/Prabhupada 0388 - ହରେ କୃଷ୍ଣ ମନ୍ତ୍ରର ଭାବର୍ଥ
Purport to Hare Krsna Mantra -- as explained on the cover of the record album
ଏହି ଦିବ୍ୟ କମ୍ପନ - ହରେ କୃଷ୍ଣ, ହରେ କୃଷ୍ଣ, କୃଷ୍ଣ କୃଷ୍ଣ, ହରେ ହରେ ଜପ କରିବା ଦ୍ଵାରା, ହରେ ରାମ, ହରେ ରାମ, ରାମ ରାମ, ହରେ ହରେ - ଆମର କୃଷ୍ଣ ଚେତନାକୁ ପୁନଃଜୀବିତ କରିବା ପାଇଁ ପ୍ରଭାବଶାଳୀ ଉପାୟ ଅଟେ । ଜୀବିତ ଆଧ୍ୟାତ୍ମିକ ଆତ୍ମା ରୂପେ, ଆମେ ସମସ୍ତେ ପ୍ରକୃତରେ କୃଷ୍ଣ ଚେତନାଶୀଳ ଜୀବ ଅଟୁ, କିନ୍ତୁ ଅନାଦି କାଳରୁ, ଆମର ପଦାର୍ଥ ସହିତ ସମ୍ପର୍କ ଯୋଗୁଁ, ଆମର ଚେତନା ବର୍ତ୍ତମାନ ଭୌତିକ ବାତାବରଣ ଦ୍ଵାରା ଦୂଷିତ ଅଟେ । ଜୀବନର ଏହି ଦୂଷିତ ଅବଧାରଣାରେ, ଆମେ ସମସ୍ତେ ଭୌତିକ ପ୍ରକୃତିର ସାଧନଗୁଡିକୁ ଉପଯୋଗ କରିବା ପାଇଁ ଚେଷ୍ଟା କରୁଛୁ, କିନ୍ତୁ ବାସ୍ତବରେ ଆମେ ଅଧିକରୁ ଅଧିକ ତାର ଜଟିଳତାରେ ଫଶି ଯାଉଛୁ । ଏହି ଭ୍ରମକୁ ମାୟା କୁହାଯାଏ, କିମ୍ଵା ଅସ୍ତିତ୍ଵ ପାଇଁ କଠିନ ସଂଘର୍ଷ, ଭୌତିକ ପ୍ରକୃତିର କଡା ନିୟମ ଉପରେ ବିଜୟ ପ୍ରାପ୍ତ କରିବା ପାଇଁ । ଭୌତିକ ପ୍ରକୃତି ବିପକ୍ଷରେ ଏହି ଭ୍ରମିତ ସଂଘର୍ଷ ଏକା ଥରକେ ବନ୍ଦ କରାଯାଇ ପାରିବ ଆମର କୃଷ୍ଣ ଚେତନାର ପୁନଃରୁଦ୍ଧାର ଦ୍ଵାରା ।
କୃଷ୍ଣ ଚେତନା ମନ ଉପରେ ଏକ କୃତିମ ଅଧିରୋପଣ ନୁହେଁ । ଏହି ଚେତନା ଜୀବର ମୂଳ ଶକ୍ତି ଅଟେ । ଯେତେବେଳେ ଆମେ ଦିବ୍ୟ କମ୍ପନ ଶୁଣୁ, ଏହି ଚେତନା ପୁନଃଜୀବିତ ହୋଇଯାଏ । ଏବଂ ଏହି ପ୍ରକ୍ରିୟା ଅଧିକାରୀମାନଙ୍କ ଦ୍ଵାରା ଏହି ଯୁଗ ପାଇଁ ସୁପାରିଶ୍ କରାଯାଇଛି । ବ୍ୟବହାରିକ ଅନୁଭବ ମଧ୍ୟ, ଆମେ ଅନୁଭବ କରି ପାରିବା ଯେ ଏହି ମାହା ମନ୍ତ୍ର ଜପ କରିବା ଦ୍ଵାରା, କିମ୍ଵା ଉଦ୍ଧାର ପାଇଁ ମହାନ ଜପ, ଜଣେ ତୁରନ୍ତ ଦିବ୍ୟ ପରମାନନ୍ଦ ଅନୁଭବ କରେ ଆଧ୍ୟାତ୍ମିକ ସ୍ତରରେ । ଜଣେ ଯେତେବେଳେ ବାସ୍ତବରେ ଆଧ୍ୟାତ୍ମିକ ବୁଝାମଣା ସ୍ତରକୁ ଆସେ, ଇନ୍ଦ୍ରିୟ, ମନ ଏବଂ ବୁଦ୍ଧି ଉପରକୁ, ଜଣେ ଦିବ୍ୟ ସ୍ତରରେ ଅବସ୍ଥିତ ହୁଏ । ହରେ କୃଷ୍ଣ, ହରେ କୃଷ୍ଣ, କୃଷ୍ଣ କୃଷ୍ଣ, ହରେ ହରେ, ହରେ ରାମ, ହରେ ରାମ, ରାମ ରାମ, ହରେ ହରେ, ଏହି ଜପ, ପ୍ରତକ୍ଷ ଭାବରେ ଆଧ୍ୟାତ୍ମିକ ସ୍ତରରୁ ଅଭିନୀତ କରାଯାଇଛି, ଚେତନାର ସମସ୍ତ ନୀଚ ସ୍ଥିତିମାନଙ୍କ ଠାରୁ ଶ୍ରେଷ୍ଠ - ଅର୍ଥାତ୍ କାମୁକ, ମାନସିକ ଏବଂ ବୌଦ୍ଧିକ । ମନ୍ତ୍ରର ଭାଷା ବୁଝିବା ଆବଶ୍ୟକ ନାହିଁ, କିମ୍ଵା ମାନସିକ କଳ୍ପନାର କୌଣସି ଆବଶ୍ୟକତା ନାହିଁ, କିମ୍ଵା କୌଣସି ବୌଦ୍ଧିକ ବ୍ୟବସ୍ଥାର ମନ୍ତ୍ର ଜପ କରିବା ପାଇଁ । ଏହା ଆଧ୍ୟାତ୍ମିକ ସ୍ତରରୁ ସ୍ଵତଃ ଆସେ, ଏବଂ ଏପରିକି, ଯେ କେହି ଏହି ଦିବ୍ୟ କମ୍ପନରେ ଭାଗ ନେଇ ପାରିବେ, କୌଣସି ପୂର୍ବ ଯୋଗ୍ୟତା ବିନା, ଏବଂ ପରମାନନ୍ଦରେ ନୃତ୍ୟ କରି ପାରିବେ ।
ଆମେ ଏହା ବ୍ୟବହାରିକ ରୂପରେ ଦେଖୁଛୁ । ଏପରିକି ଏକ ଶିଶୁ ମଧ୍ୟ ଜପରେ ଭାଗ ନେଇ ପାରିବ, କିମ୍ଵା ଏକ କୁକୁର ମଧ୍ୟ ଭାଗ ନେଇ ପାରିବ । ଏହି ଜପ ଶୁଣିବା ଉଚିତ୍, ଭଗବାନଙ୍କର ଏକ ଶୁଦ୍ଧ ଭକ୍ତ ମୁଖରୁ, ଯେପରିକି ତୁରନ୍ତ ପ୍ରଭାବ ପ୍ରାପ୍ତ କରାଯାଇ ପାରିବ । ଯେତେ ଦୂର ସମ୍ଭବ, ଅଭକ୍ତ ମୁଖରୁ ଜପ ଶୁଣିବା ତ୍ୟାଗ କରିବା ଉଚିତ୍, ଯେପରି ଏକ ନାଗୁଣୀ ଦ୍ଵାରା ସ୍ପର୍ଶ କରାଯାଇଥିବା କ୍ଷୀର ବିଶାକ୍ତ ପ୍ରଭାବର କାରଣ ହୁଏ ।
ହର ଶଦ୍ଦ ଭଗବାନଙ୍କର ଶକ୍ତିକୁ ସମ୍ଵୋଧନ କରିବାର ଏକ ରୂପ । ଉଦ୍ଭୟ କୃଷ୍ଣ ଏବଂ ରାମ ଭଗବାନଙ୍କୁ ପ୍ରତ୍ୟକ୍ଷ ଭାବରେ ସମ୍ଵୋଧନ କରିବାର ରୂପ ଅଟନ୍ତି, ଏବଂ ସେମାନଙ୍କର ଅର୍ଥ, "ସର୍ବୋଚ୍ଚ ଆନନ୍ଦ, ଶାଶ୍ଵତ ।" ହର ଭଗବାନଙ୍କର ପରମ ଆନନ୍ଦର ଶକ୍ତି ଅଟେ । ଏହି ଶକ୍ତି, ଯେତେବେଳେ ହର ଭାବରେ ସମ୍ଵୋଧିତ କରାଯାଏ, ଆମକୁ ପରମ ଭଗବାନଙ୍କ ନିକଟରେ ପହଞ୍ଚିବାରେ ସାହାର୍ଯ୍ୟ କରେ ।
ଭୌତିକ ଶକ୍ତି, ମାୟା, ମଧ୍ୟ ଭଗବାନଙ୍କର ଅନେକ ଶକ୍ତି ମଧ୍ୟରୁ ଗୋଟିଏ, ଏପରିକି ଆମେ ମଧ୍ୟ ଭଗବାନଙ୍କର ତଟସ୍ଥ ଶକ୍ତି ଅଟୁ । ଜୀବକୁ ପଦାର୍ଥ ତୁଳନାରେ ଉଚ୍ଚ ଶକ୍ତି ରୂପେ ବର୍ଣ୍ଣନା କରାଯାଇଛି । ଯେତେବେଳେ ଉଚ୍ଚ ଶକ୍ତି ନୀଚ ଶକ୍ତି ସ୍ପର୍ଶରେ ଆସେ, ସେଠାରେ ଏକ ଅସଙ୍ଗତ ସ୍ଥିତି ସୃଷ୍ଟି ହୋଇଯାଏ । କିନ୍ତୁ ଯେତେବେଳେ ଉଚ୍ଚ ତଟସ୍ଥ ଶକ୍ତି ଆଧ୍ୟାତ୍ମିକ ଶକ୍ତି, ହର, ସଂସ୍ପର୍ଶରେ ଆସେ, ଏହା ଜୀବ ପାଇଁ ଖୁସୀ, ସାମାନ୍ୟ ସ୍ଥିତି ହୋଇଯାଏ ।
ତିନୋଟି ଶଦ୍ଦ, ଯଥା ହର, କୃଷ୍ଣ ଏବଂ ରାମ, ହେଉଛନ୍ତି ମାହାମନ୍ତ୍ରର ଦିବ୍ୟ ବୀଜ, ଏବଂ ଜପ ହେଉଛି ଭଗବାନଙ୍କ ପାଇଁ ଏକ ଆଧ୍ୟାତ୍ମିକ ଡାକରା ଏବଂ ତାଙ୍କର ଆନ୍ତରିକ ଶକ୍ତି, ହର, ବଦ୍ଧ ଆତ୍ମାମାନଙ୍କୁ ସଂରକ୍ଷଣ ଦେବା ପାଇଁ । ଜପ ହେଉଛି ଠିକ୍ ଏକ ପିଲାର ମା ପାଇଁ ପ୍ରକୃତ କ୍ରନ୍ଦନ । ମା ହର ପରମ ପିତା, ହରି, କିମ୍ଵା କୃଷ୍ଣଙ୍କର କୃପା ଲାଭ କରିବାରେ ସାହାର୍ଯ୍ୟ କରନ୍ତି, ଏବଂ ଭଗବାନ ନିଜକୁ ଏପରି ନିଷ୍ଠାବାନ ଭକ୍ତ ସମ୍ମୁଖରେ ପ୍ରକଟ କରନ୍ତି ।
ଅନ୍ୟ କୌଣସି ମାଧ୍ୟମ ନାହିଁ, ସେଥିପାଇଁ, ଆଧ୍ୟାତ୍ମିକ ଅନୁଭୂତିର ଅନ୍ୟ କୌଣସି ସାଧନ ଏହି ଯୁଗରେ ଏତେ ପ୍ରଭାବଶାଳୀ ନାହିଁ, ଯେପରିକି ମାହାମନ୍ତ୍ର ଜପ କରିବା,
- ହରେ କୃଷ୍ଣ, ହରେ କୃଷ୍ଣ,
- କୃଷ୍ଣ କୃଷ୍ଣ, ହରେ ହରେ,
- ହରେ ରାମ, ହରେ ରାମ,
- ରାମ ରାମ, ହରେ ହରେ