OR/Prabhupada 0488 - ଝଗଡା କେଉଁଠାରେ ଅଛି? ଯଦି ତୁମେ ଭଗବାନଙ୍କୁ ଭଲ ପାଅ, ତେବେ ତୁମେ ସମସ୍ତଙ୍କୁ ଭଲ ପାଅ
Lecture -- Seattle, October 18, 1968
ପ୍ରଭୁପାଦ: ହଁ ।
ଉପେନ୍ଦ୍ର: ପ୍ରଭୁପାଦ, ବେଳେବେଳେ ପାର୍ଥକ୍ୟ ହୋଇପାରେ, ଖ୍ରୀଷ୍ଟିଆନ ଏବଂ ମୁସଲମାନ ମଧ୍ୟରେ ଭଗବାନଙ୍କ ପ୍ରେମ କ’ଣ ଉପରେ, ମୁସଲମାନ ଏବଂ ବୌଦ୍ଧ, ବୌଦ୍ଧ, ହିନ୍ଦୁ। ଭଗବାନଙ୍କର ପ୍ରେମ କ’ଣ ତାହା ଉପରେ ସେମାନେ ଝଗଡା କରିପାରନ୍ତି ।
ପ୍ରଭୁପାଦ: ଝଗଡା, ସେମାନେ, ଯେଉଁମାନେ ଭଗବାନଙ୍କ ପ୍ରେମରେ ନାହାଁନ୍ତି, ସେମାନେ ଝଗଡା ନିଶ୍ଚୟ କରିବେ । ତାହା ହେଉଛି ... କାରଣ ସେମାନେ ବିଲେଇ ଏବଂ କୁକୁର ଅଟନ୍ତି । ବିଲେଇ ଏବଂ କୁକୁରମାନଙ୍କ ମଧ୍ୟରେ କୌଣସି ଶାନ୍ତିପୂର୍ଣ୍ଣ ଅବସ୍ଥା ଆପଣ ଆଶା କରିପାରିବେ ନାହିଁ । ସେମାନେ ଝଗଡା କରିବେ। ତେଣୁ ସେମାନେ ଯାହା ବି ହୋଇପାରନ୍ତି, ଯେତେ ଦିନ ପର୍ଯ୍ୟନ୍ତ ସେମାନେ ଝଗଡା କରୁଛନ୍ତି, ଏହାର ଅର୍ଥ ସେମାନେ ପୂର୍ଣ୍ଣ ସ୍ଥରରେ ନାହାଁନ୍ତି । ଝଗଡା କେଉଁଠାରେ ଅଛି? ଯଦି ତୁମେ ଭଗବାନଙ୍କୁ ଭଲ ପାଅ, ତେବେ ତୁମେ ସମସ୍ତଙ୍କୁ ଭଲ ପାଅ । ତାହା ହେଉଛି ଚିହ୍ନ । ସମଃ ସର୍ବେଷୁ ଭୂତେଷୁ ମଦ୍ଭକ୍ତିଂ ଲଭତେ ପରାମ୍ (ଭ.ଗୀ.୧୮.୫୪) ସମାନତାର ପର୍ଯ୍ୟାୟ ହାସଲ କରିବା ପରେ, ତାପରେ ତୁମେ ଭଗବାନଙ୍କୁ ପ୍ରେମ କରିବାର କ୍ଷେତ୍ରକୁ ପ୍ରବେଶ କରିପାରିବ । ଏହାପୂର୍ବରୁ, ଆପଣଙ୍କୁ ଉତ୍ତୀର୍ଣ ହେବାକୁ ପଡିବ । ଆଇନ କଲେଜରେ ପ୍ରବେଶ କରିବା ପୂର୍ବରୁ ଯେପରି ତୁମେ ସ୍ନାତକ ହେବାକୁ ପଡିବ, ସେହିଭଳି, ଭକ୍ତି ସେବା କ୍ଷେତ୍ରରେ ପ୍ରବେଶ କରିବା ପୂର୍ବରୁ, ଆପଣଙ୍କୁ ହୃଦୟଙ୍ଗମ କରିବାକୁ ପଡିବ ଯେ ସମସ୍ତ ଜୀବ ସମାନ ପ୍ଲାଟଫର୍ମରେ ଅଛନ୍ତି । ତାହା ହେଉଛି ହୃଦୟଙ୍ଗମ । ଆପଣ କୌଣସି ପାର୍ଥକ୍ୟ କରିପାରିବେ ନାହିଁ ଯେ "ଏହା କମ୍," "ଏହା ଅଧିକ ଅଟେ ।" ନା। ପଣ୍ଡିତାଃ ସମଦର୍ଶିନଃ (ଭ.ଗୀ. ୫.୧୮) । ଯେତେବେଳେ ଜଣେ ବ୍ୟକ୍ତି ସମ୍ପୂର୍ଣ୍ଣ ଭାବରେ ଶିକ୍ଷିତ ହୁଏ, ସେ କୌଣସି ପାର୍ଥକ୍ୟ କରନ୍ତି ନାହିଁ, ଯେ ସେ ମଣିଷ, ସେ ଗାଈ, ସେ କୁକୁର। ସେ ଦେଖନ୍ତି ଯେ ସେ ଆତ୍ମା ବିଭିନ୍ନ ପୋଷାକରେ ଆବୃତ । ଖାଲି ଏତିକି। ତାହା ହେଉଛି ତାଙ୍କର ଦର୍ଶନ, ସର୍ବବ୍ୟାପକ ସମାନତା ଦର୍ଶନ । ତୁମେ କହିପାରିବ ନାହିଁ କୁକୁରର ଜୀବନ ନାହିଁ, ଗାଈର ଜୀବନ ନାହିଁ। ତୁମେ କିପରି କହିପାରିବ ଯେ ଜୀବନ ନାହିଁ? ତାହା ହେଉଛି ତୁମର ଜ୍ଞାନର ଅଭାବ ।
ଜୀବନର ଲକ୍ଷଣ କଣ? ତୁମେ ପାଇବ ଜୀବନର ଲକ୍ଷଣ ମଣିଷ ଭିତରେ, ପିମ୍ପୁଡ଼ିରେ ମଧ୍ୟ ଅଛି । ଆପଣ କିପରି କହିପାରିବେ ଯେ ଛୋଟ ପ୍ରାଣୀ, ନିମ୍ନ ପ୍ରାଣୀମାନଙ୍କର ଜୀବନ ନାହିଁ? ତାହା ହେଉଛି ତୁମର ଜ୍ଞାନର ଅଭାବ । ଏପରିକି ଗଛ, ଉଦ୍ଭିଦ, ସେମାନେ ଜୀବନ ପାଇଛନ୍ତି । ତେଣୁ ସଂପୂର୍ଣ୍ଣ ଜ୍ଞାନ ଆବଶ୍ୟକ । ତେଣୁ ପୂର୍ଣ୍ଣ ଜ୍ଞାନ ଆଧାରରେ ଭଗବାନଙ୍କ ପ୍ରେମ ହେଉଛି ଭଗବାନଙ୍କ ପ୍ରକୃତ ପ୍ରେମ । ନଚେତ୍ ଏହା ମତାନ୍ଧତା ଅଟେ । ତେଣୁ ମତାନ୍ଧତା ବ୍ୟକ୍ତି, ସେମାନେ ଝଗଡା କରିପାରନ୍ତି । ତାହା ଭଗବାନଙ୍କ ପ୍ରେମ ନୁହେଁ । ଅବଶ୍ୟ, ସେହି ପର୍ଯ୍ୟାୟକୁ ଆସିବା ଅତ୍ୟନ୍ତ କଷ୍ଟକର, କିନ୍ତୁ ଜଣେ ଚେଷ୍ଟା କରିବା ଉଚିତ୍ । ତାହା ହେଉଛି କୃଷ୍ଣ ଭାବାନାମୃତ । ଆମେ ସମସ୍ତେ ଛାତ୍ର ଆମେ ଚେଷ୍ଟା କରୁଛୁ । କିନ୍ତୁ ସେଠାରେ ମଧ୍ୟ ସ୍ଥର ଅଛି । ଯେପରି ଏକ ଶିକ୍ଷାନୁଷ୍ଠାନରେ ଦଶମ ଶ୍ରେଣୀ, ଅଷ୍ଟମ ଶ୍ରେଣୀ, ପଞ୍ଚମ ଶ୍ରେଣୀ, ଷଷ୍ଠ ଶ୍ରେଣୀ ଅଛି । ଏବଂ ଯୋଗରେ, ଏହା ଏକ ସିଡ଼ି କିମ୍ବା ଲିଫ୍ଟ ପରି । ତେଣୁ ସିଦ୍ଧତାର ବିଭିନ୍ନ ପର୍ଯ୍ୟାୟ ଅଛି । ସର୍ବୋଚ୍ଚ ସିଦ୍ଧତା ହେଉଛି ଯିଏ ସର୍ବଦା କୃଷ୍ଣଙ୍କ ବିଷୟରେ ଚିନ୍ତା କରେ । ତାହା... ଯୋଗିନାମପି ସର୍ବେଷାଂ ମଦ୍-ଗତେନାନ୍ତରାତ୍ମନା ଶ୍ରଦ୍ଧାବାନ୍ଭଜତେ... (ଭ.ଗୀ. ୬.୪୭) ସର୍ବୋଚ୍ଚ ସିଦ୍ଧତା ହେଉଛି କୃଷ୍ଣ, ସର୍ବଦା କୃଷ୍ଣ, ଏବଂ ରାଧାରାଣୀଙ୍କ ଚିନ୍ତା କରେ । ତାହା ହେଉଛି ସର୍ବୋଚ୍ଚ ପୂର୍ଣ୍ଣ ସ୍ଥର । ତାଙ୍କର ଅନ୍ୟ କୌଣସି କାର୍ଯ୍ୟ ନାହିଁ: କେବଳ କୃଷ୍ଣଙ୍କ ବିଷୟରେ ଚିନ୍ତା କରନ୍ତି ।