PAP/Prabhupada 1070 - Rendicion di servicio ta e religion eterno di e ser viviente

Previous Page - Video 1069

Next Page - Video 1071

660219-20 - Lecture BG Introduction - New York

Cu referencia na e concepto aki riba di sanātana-dharma, nos por purba di compronde e concepto di religion for di e significado rais den sanskriet di e palabra dharma. E kiermen locual cu ta constantemente cu e obheto particular. Manera nos a menciona anteriormente, ora nos papia di candela ta wordo conclui na mes momento cu tin calor y luz hunto cu e candela. Sin calor y sin luz, no tin significado di e palabra candela. Igualmente, nos mester haya sa e parti esencial di e ser viviente cual semper ta compañe. E parti cual constantemente ta acompaña e ser viviente ta su cualidad eterno, y e parti eterno di e cualidad di e ser viviente ta su religion eterno. Ora Sanātana Gosvāmī a puntra Dios Śrī Caitanya Mahāprabhu tocante e svarūpa— nos a discuti caba tocante e svarūpa di e ser viviente— svarūpa of e constitucion real di e ser viviente, Dios a responde, cu e posicion constitucional di e ser viviente ta pa rende servicio na e Personalidad Supremo di Dios. Pero si nos analisa e parti aki di e declaracion di Dios Caitanya, nos por wak bon cu tur ser viviente ta constantemente ocupa den e asunto di rende servicio na otro ser viviente. Un ser viviente ta sirbi otro ser viviente den diferente capacidad, y door di haci esey, e ser viviente te gosa di bida. Un animal inferior ta sirbi un ser humano, un sirbido ta sirbi su hefe, A ta sirbi hefe B, B ta sirbi hefe C, y C ta sirbi hefe D, etc Bow di e circumstancianan, nos por mira cu un amigo ta sirbi otro amigo, y e mama ta sirbi e yiu, of e esposa ta sirbi su esposo, of esposo ta sirbi e esposa. Si nos sigui busca den e spirito ey, lo wordo mira cu no tin excepcion den sociedad di e ser viviente unda nos no ta haya e actividad di servicio. E politico ta presenta su manifiesto dilanti e publico y ta convence votadonan tocante su capacidad di sirbi. E votado tambe ta duna e politico su voto valioso riba speransa cu e politico lo duna servicio na e sociedad. E negoshante ta sirbi e cliente y artesano ta sirbi e capitalista. E capitalista ta sirbi su famia y e famia ta sirbi e cabesante den termino di e capacidad eterno di e ser eterno. Di e manera aki nos por wak cu niun ser viviente ta exonera di e practica de rende servicio na otro ser viviente, y pesey nos por conclui cu servicio ta un cos cu ta acompaña e ser viviente constantemente. Y pesey ta safe pa conclui cu rendimento di servicio door di un ser viviente ta e religion eterno di e ser viviente. Ora un hende profesa di ta pertenece na un tipo di fe particular cu referencia na e tempo particular y circumstancianan di nacemento, y asina un ta reclama di ta un Hindu, un Musulman, un Cristian, Budista , of cualkier otro secta, y sub-secta, tal designacion no ta sanātana-dharma. Un Hindu por cambia su fe pa bira un Musulman, of un Musulman por cambia su fe pa bira un Hindu of Cristian, etc, pero den tur circumstancia tal cambio di fe religioso no ta permiti un persona pa cambia su ocupacion eterno di rende servicio na otro. Un Hindu of un Musulman of un Cristian, den tur circumstancia, e ta sirbi algun hende, y pesey pa profesa un tipo di fe particular no ta wordo considera como sanātana-dharma, pero e acompañante constante di e ser viviente, cual ta, rendimento di servicio, ta e sanātana-dharma. Pues den realidad, nos ta relaciona den e relacion di servicio cu Dios Supremo. Dios Supremo ta e gosado supremo, y anos sernan viviente ta eternamente Su sirbidonan supremo. Nos ta crea pa Su gosamento, y si nos tuma parti, participa den e gosamento eterno ey cu e Persoanlidad Supremo di Dios, esey lo haci nos contento, no otro manera. Independientemente, manera cu nos a splica caba, cu independientemente, cualkier parti di e curpa, e man, e pia, e dedenan, of cualkier otro parti di e curpa, independientemente, no por ta feliz sin cooperacion cu e stoma. igualmente, e ser viviente nunca por ta feliz sin rendicion di servicio na Dios Supremo. Awo, den e Bhagavad-gītā e alabansa di diferente demi-diosnan no to aproba pasobra... Ta wordo menciona den e Bhagad-gītā capitulo shete, verso binti (BG 7.20), Dios ta bisa, kāmais tais tair hṛta-jñānāḥ prapadyante 'nya-devatāḥ. kāmais tais tair hṛta-jñānāḥ. Esnan cu ta dirigi door di pasion, so, nan ta alaba e diosnan enbes di Dios Supremo, Kṛṣṇa.