PAP/Prabhupada 1076 - Na momento di muri nos por keda akinan, of transferi den e mundo spiritual

Previous Page - Video 1075

Next Page - Video 1077

660219-20 - Lecture BG Introduction - New York

Tin diferente bhāvas. Awo, e naturalesa material aki tambe ta un di e bhāvanan, manera cu nos a splica caba, cu e naturalesa material aki tambe ta un di e energianan di Dios Supremo. Den e Viṣṇu Purāṇa e energianan total di Dios Supremo a wordo resumi.

viṣṇu-śaktiḥ parā proktā

kṣetra-jñākhyā tathā par

avidyā-karma-saṁjñānyā

tṛtīyā śaktir iṣyate

(CC Madhya 6.154)

Tur e energianan, potencianan di e... Parāsya śaktir vividhaiva śrūyate (CC Madhya 13.65, purport). Dios Supremo tin diverso energianan, energianan innumerabel, cual nos no por capta. Pero sabionan erudito grandi, almanan libra, nan a studia y nan a resumi tur e energianan den tres parti, den tres categoria. E prome ta... Tur e energianan ta viṣṇu-śakti. Tur e energianan, nan ta diferente potencianan di Dios Viṣṇu. Awo, e energia ey ta parā, transcendental. Y kṣetra-jñākhyā tathā parā, y e sernan viviente, kṣetra-jña, nan tambe ta pertenece na e grupo di energia superior ey, manera e ta confirma den e Bhagavad-gītā tambe. No as splica caba. Y e otro energianan, e energia material ta tṛtīyā karma-saṁjñānyā (CC Madhya 6.154). E otro energia ta den modo di ignorancia. Pues esey ta energia material. Pues energia material tambe ta bhagavad-. Pues na e momento di muri, sea nos ta keda den e energia material, of e mundo material aki, of nos por transferi den e mundo spiritual. Esey ta e criterio. Pues e Bhagava-gītā ta bisa,

yaṁ yaṁ vāpi smaran bhāvaṁ

tyajaty ante kalevaram

taṁ tam evaiti kaunteya

sadā tad-bhāva-bhāvitaḥ

(BG 8.6)

Awo, manera cu nos ta custumbra di pensa, sea di e energianan material aki of di e energianan spiritual, awo, con pa transferi e pensamento? E pensamento di e energianan material, con e por wordo transferi den pensamento di e energianan spiritual? Pues pa pensa di e energianan spiritual e literaturanan Vedico tey. Mescos cu pensando di e energianan material, tin tanto literatura- corant, magazina, novela, ficcion, y tanto cos. Yen di literatura. Pues nos pensamentonan ta absorbe den e literaturanan aki. Igualmente, si nos kier transferi nos pensamento den e atmosfera spiritual, anto nos mester transferi nos capacidad di lesa na e literatura Vedico. Pesey e sabionan erudito a traha tanto literaturanan Vedico, e Purāṇanan. E Purāṇanan no ta storia. Nan ta registronan historico. Den e Caitanya-caritāmṛta tin un verso cu ta lesa como siguiente: Anādi-bahirmukha jīva kṛṣṇa bhuli' gela ataeva kṛṣṇa veda-purāṇa kailā (CC Madhya 20.117). Cu e sernan viviente lubidoso aki, almanan condiciona, nan a lubida e relacion cu Dios Supremo, Y nan ta enbolbe den pensamento di e actividadnan material. Y djis pa transferi nan poder di pensamento na e capacidad spiritual, e Kṛṣṇa-dvaipāyana Vyāsa, el a crea tanto literatura Vedico. Literatura Vedico kiermen prome el a dividi e Vedas den cuater. Despues el a splica nan door di e Purāṇanan. Despues pa personanan incapabel, mescos cu strī, śūdra, vaiśya, el a crea e Mahābhārata. Y den e Mahābhārata e ta introduci e Bhagavad-gītā aki. Depues atrobe e ta resumi henter e literatura Vedico den e Vedānta-sūtra. Y e Vedānta-sūtra pa guia den futuro, el a traha un commentario natural sumes, cual ta wordo yama Śrīmad-Bhāgavatam.