NE/Prabhupada 0959 - भगवानसँग पनि यो भेद छ । नराम्रा तत्त्वहरु पनि छन्

From Vanipedia
Jump to: navigation, search
Go-previous.png Previous Page - Video 0958
Next Page - Video 0960 Go-next.png

भगवानसँग पनि यो भेद छ । नराम्रा तत्त्वहरु पनि छन्
- Prabhupāda 0959


750624 - Conversation - Los Angeles


प्रभुपाद: शुकदेव गोस्वामीले सिफारिश गर्नुभएको छ कि "मैले कलि युगको धेरै दोषहरु वर्णन गरिसकें तर यो युगमा एउटा महान लाभ छ |" त्यो के हो ? "केवल हरे कृष्ण जपेर सम्पूर्ण भौतिक बन्धनबाट मुक्त हुन सकिन्छ |" यस युगको विशेष फाइदा यहि हो |

डा: वोल्फ: के यसलाई हाम्रो समयको वास्तविक योग भन्न सकिन्छ ?

प्रभुपाद: हँ | सकिन्छ | यो भक्ति योग हो | भक्ति-योग जपबाट सुरु हुन्छ | श्रवणं कीर्तनं विष्णोः (श्री भा ७|५|२३) | र जति धेरै तिमीले जप्छौ र सुन्छौ, तिमी त्यति नै शुद्ध हुन्छौ | मलाई लाग्छ कि तिम्रा देशका नेताहरुले यस अभियानई धेरै गम्भिरतापूर्वक लिनुपर्छ र यसलाई स्वीकार्नुपर्छ | यो त्यति कठिन छैन | जप | तिमीले विद्यालयमा जप्न सक्छौ; तिमीले कलेजमा जप्न सक्छौ; तिमीले उद्योगमा जप्न सक्छौ; तिमीले सडकमा जप्न सक्छौ | यसलाई कुनै विशेष योग्यता चाहिंदैन | तर यदि हामीले यो कीर्तन दिन्छौं भने सबजनालाई महान फाइदा हुनेछ | यसमा कुनै हानि छैन तर ठुलो लाभ छ |

डा. वोल्फ: श्रील प्रभुपाद, हजुरलाई थाहा छ कि तिनीहरु कीर्तनको विरुद्धमा सम्मोहनको तर्क दिन्छन् | मनोवैज्ञानिकहरुले त्यसो गर्छन् |

प्रभुपाद: त्यो राम्रो हो | यदि तिमीले सम्मोहित पार्न सक्छौ भने...... डा. जुदाहले भन्दै थिए कि दुर्व्यसनी हिप्पीहरुलाई सम्मोहित पार्न सकिन्छ र उनीहरुलाई कृष्ण महान उपलब्धि हुनुहुन्छ भन्ने बुझाउन सकिन्छ | (हाँसो) हो |

डा. वोल्फ: अवश्य पनि, त्यो सम्मोहन होइन |

प्रभुपाद: यो जे पनि हुन सक्छ | डा. जुदाहले स्वीकारेका छन् | यदि सम्मोहन राम्रोको लागि प्रयोग हुन्छ भने यसलाई किन नस्वीकार्ने ? यदि यो नराम्रोको लागि प्रयोग हुन्छ भने त्यो अर्को कुरा हो | यदि राम्रोको लागि प्रयोग हुन्छ भने यसलाई किन नस्वीकार्ने ? हँ ? तिमीलाई के लाग्छ, प्राध्यापकज्यु ?

डा. ओर: मलाई जवाफ कसरी दिने थाहा छैन | मलाई लाग्छ म हजुरसँग सहमत छु | (हाँसो)

प्रभुपाद: यदि यो राम्रो हुन्छ..... हरेक राम्रो कुरा स्वीकार्नुपर्छ |

डा. ओर: एउटा समस्या..... म सोच्ने गर्छु कि हामी कसरी पक्का हुन सक्छौं कि के राम्रो हुन्छ, विशेषगरी जब युद्धको कुरा हुन्छ | म थोरै चिन्तित हुन्छु, मलाई लाग्छ कि......

प्रभुपाद: के युद्ध ?

डा. ओर: हजुरले भन्दै हुनुहुन्ठ्यो कि कहिलेकाही युद्ध आवश्यक छ | मलाई लाग्छ कि यो जान्नु महत्वपूर्ण छ कि कसरी निधो गर्ने कि.....

प्रभुपाद: होइन, होइन, आवश्यक भएको तिमीले यो भौतिक जगतमा सब सन्त पुरुष छन् भन्ने आशा गर्न सक्दैनौ | यहाँ नराम्रा तत्त्व पनि छन् | त्यसैले यदि कुनै नराम्रो तत्त्वले तिमीलाई आक्रमण गर्न आउँछ भने के युद्ध गरेर आफुलाई बचाउनु तिम्रो कर्तव्य होइन ?

डा. ओर: तर कहिलेकाही नराम्रो तत्त्व ममा हुन सक्छ र मैले सोच्छु कि अरु मानिसहरु नराम्रा तत्त्व हुन् |

प्रभुपाद: होइन | भगवानसँग पनि यो भेद छ | उहाँले भन्नुहुन्छ, परित्राणाय साधूनां विनाशाय च दुष्कृताम् (भ गी ४|८) | नराम्रा तत्त्वहरु पनि छ | त्यसैले यदि भगवानको मन राम्रा तत्त्वमा छन् भने, नराम्रा तत्त्व.... हामी भगवानका अंश हौँ | हाम्रो भावना पनि उही हुनुपर्छ | हामीले यो नकार्न सक्दैनौं |

जयतीर्थ: आजकल उनान्सय प्रतिशत नराम्रा छन् | त्यसैले युद्ध केवल दुई नराम्रा तत्त्वबीच छ |

प्रभुपाद: हो |

जयतीर्थ: त्यसैले अहिले भिन्न कुरा छ |

प्रभुपाद: तिमीले नराम्रा तत्त्वबीचको युद्ध रोक्न सक्दैनौ | तिनीहरुलाई राम्रो बनाउ | तब तिमीले रोक्न सक्छौ | तिमीले कुकुरहरुबीचको युद्ध रोक्न सक्दैनौ | (हाँसो) त्यो सम्भव छैन | यदि तिमीले कुकुरहरुको झगडा रोक्न सक्छौ भने यो सम्भव छैन | के यो सम्भव छ ? तब यो बेकार प्रयास हुन्छ | तिमीले मानवलाई कुकुर जसरी राखेका छौ र तिमी यिद्ध रोक्न चाहन्छौ | त्यो सम्भव छैन | अव्यवहारिक |