OR/Prabhupada 0520 - ଆମେ ଜପ କରୁଛୁ, ଶୁଣୁଛୁ, ନାଚୁଛୁ, ଉପଭୋଗ କରୁଛୁ । କାହିଁକି?
Lecture on BG 7.1 -- Los Angeles, December 2, 1968
ଏହା ମଧ୍ୟ କୃଷ୍ଣଙ୍କର ଧାମ, କାରଣ ସବୁକିଛି ଭଗବାନ, କୃଷ୍ଣଙ୍କର ଅଟେ । କେହି ମାଲିକ ନୁହଁନ୍ତି । ଏହି ଦାବି ହେଉଛି ଯେ ଏହି ଭୂମି, ଆମେରିକା, ଆମର, ଯୁକ୍ତରାଷ୍ଟ୍ରର ଅଟେ। ଏହା ମିଥ୍ୟା ଦାବି । ଏହା ତୁମର ନୁହେଁ, ଅନ୍ୟ କାହାର ଭି ନୁହେଁ । ଠିକ୍ କିଛି ବର୍ଷ ପୂର୍ବେ, ଚାରି ଶହ ବର୍ଷ ପୂର୍ବେ, ଏହା ଭାରତୀୟ, ଲୋହିତ ଭାରତୀୟଙ୍କର ଥିଲା, କୌଣସି ପ୍ରକାରରେ, ତୁମେ ବର୍ତ୍ତମାନ ଦଖଲ କରିଛ । କିଏ କହିପାରିବ ଯେ ଅନ୍ୟମାନେ ଏଠାକୁ ଆସିବେ ନାହିଁ ଏବଂ ଦଖଲ କରିବେ ନାହିଁ? ତେଣୁ ଏହା ସବୁ ମିଥ୍ୟା ଦାବି । ବାସ୍ତବରେ, ସବୁକିଛି କୃଷ୍ଣଙ୍କର ଅଟେ । କୃଷ୍ଣ କହିଛନ୍ତି ଯେ ସର୍ବ-ଲୋକ-ମହେଶ୍ୱରଂ (ଭ.ଗୀ. ୫.୨୯) । ମୁଁ ସମସ୍ତ ଗ୍ରହର ସର୍ବୋଚ୍ଚ ମାଲିକ, ନିୟନ୍ତ୍ରକ ବୋଲି ସେ କହିଛନ୍ତି। ତେଣୁ ସବୁକିଛି ତାଙ୍କର ଅଟେ। କିନ୍ତୁ କୃଷ୍ଣ କହିଛନ୍ତି ଯେ ସବୁକିଛି ତାଙ୍କର ଅଟେ। ତେଣୁ ସବୁକିଛି ହେଉଛି ତାଙ୍କର ଧାମ, ତାଙ୍କର ସ୍ଥାନ, ବାସସ୍ଥାନ । ତେବେ ଆମେ ଏଠାରେ କାହିଁକି ପରିବର୍ତ୍ତନ କରିବା? କିନ୍ତୁ ସେ କୁହନ୍ତି ଯଦ୍ ଗତ୍ୱା ନ ନିବର୍ତନ୍ତେ ତଦ୍ଧାମ ପରମଂ ମମ ॥ (ଭ.ଗୀ. ୧୫.୬)। ପରମଂ ଅର୍ଥ ହେଉଛି ସର୍ବୋଚ୍ଚ । ଏହି ଧାମ ମଧ୍ୟ, କୃଷ୍ଣଙ୍କ ଧାମ , କୃଷ୍ଣଙ୍କର ଗ୍ରହ, କିନ୍ତୁ ଏଠାରେ ଏହା ପରମଂ ନୁହେଁ, ସର୍ବୋଚ୍ଚ । ଅସୁବିଧା ଅଛି । ଠିକ୍ ଏହି ଜନ୍ମ, ମୃତ୍ୟୁ, ରୋଗ ଏବଂ ବୃଦ୍ଧାବସ୍ଥା ପରି । କିନ୍ତୁ ଯଦି ତୁମେ କୃଷ୍ଣଙ୍କର ବ୍ୟକ୍ତିଗତ ବାସସ୍ଥାନକୁ ଫେରିଯାଅ, ଗୋଲୋକ ବୃନ୍ଦାବନ, ଚିନ୍ତାମଣି -ଧମା (ବ୍ର.ସଂ. ୫.୨୯), ତାପରେ ତୁମେ ପାଅ ଅନନ୍ତ ଜୀବନ, ସୁଖମୟ ଜୀବନ, ଜ୍ଞାନରେ ପରିପୂର୍ଣ୍ଣ ।
ଏବଂ ତାହା କିପରି ହାସଲ କରାଯାଇପାରିବ? ଏଠାରେ, ଏହା ଆରମ୍ଭ ହେଉଛି... କୃଷ୍ଣ କୁହନ୍ତି ଯେ ମୟ୍ୟାସକ୍ତ-ମନାଃ କେବଳ ତୁମେ କୃଷ୍ଣଙ୍କ ପ୍ରତି ତୁମର ପ୍ରୀତି ବୃଦ୍ଧି କର । କେବଳ ଏହି ପଦ୍ଧତି । ଏଗୁଡ଼ିକ, ଏସବୁ, ଆମେ ଜପ କରୁଛୁ, ଶୁଣୁଛୁ, ନାଚୁଛୁ, ଉପଭୋଗ କରୁଛୁ । କାହିଁକି? କେବଳ ଆମ ଜୀବନକୁ ସମସ୍ତ ନିର୍ବୋଧ ଜିନିଷରୁ ଅଲଗା କରିବା ଏବଂ କୃଷ୍ଣଙ୍କ ସହିତ ସଂଲଗ୍ନ କରିବା । ଏହା ହେଉଛି ପ୍ରକ୍ରିୟା । ଏହା ହେଉଛି କୃଷ୍ଣଭାବାନାମୃତ । ତୁମ ମନକୁ କାହା ସହିତ ସଂଯୁକ୍ତ କରିବାକୁ ପଡିବ । କିନ୍ତୁ ଯଦି ତୁମେ ତୁମର ମନକୁ କିଛି ଅଜ୍ଞାନତା ସହିତ ସଂଲଗ୍ନ କର, ତା’ପରେ ସମାନ କଥା, ଜନ୍ମ-ମୃତ୍ୟୁ-ଜରା-ବ୍ୟାଧି (ଭ.ଗୀ. ୧୩.୯), ଜନ୍ମ, ମୃତ୍ୟୁ, ବୃଦ୍ଧାବସ୍ଥା, ରୋଗ । ତୁମକୁ ଯନ୍ତ୍ରଣା ଭୋଗିବାକୁ ପଡିବ । ତୁମକୁ ଯନ୍ତ୍ରଣା ଭୋଗିବାକୁ ପଡିବ । ତୁମର ବିଜ୍ଞାନ, ତୁମର ଭୌତିକ ବିଜ୍ଞାନ, କିମ୍ବା କିଛି ନୁହେଁ ... ନା। ଏହି ଦୁଃଖର କେହି ସମାଧାନ କରିପାରିବେ ନାହିଁ । କିନ୍ତୁ ଯଦି ତୁମେ ପ୍ରକୃତ ସମାଧାନ, ସ୍ଥାୟୀ ସମାଧାନ, ସ୍ଥାୟୀ ଜୀବନ ଚାହୁଁଛ, ତାହେଲେ ତୁମେ କୃଷ୍ଣଙ୍କ ସହିତ ଯୋଡି ହୁଅ । ସରଳ ପଦ୍ଧତି । ମୟ୍ୟାସକ୍ତ-ମନାଃ ପାର୍ଥ ଯୋଗଂ ୟୁଞ୍ଜନ୍। ଯୋଗର ଏହା ହେଉଛି ଉପଯୁକ୍ତ ରୂପ । ଅନ୍ୟ ସମସ୍ତ ଯୋଗ, ସେମାନେ ଆପଣଙ୍କୁ କୃଷ୍ଣଭାବାନାମୃତର ଏହି ପ୍ଲାଟଫର୍ମକୁ ଆସିବାକୁ ସାହାଯ୍ୟ କରିପାରନ୍ତି, କିନ୍ତୁ ଯଦି ଆପଣ କୃଷ୍ଣଭାବାନାମୃତର ଏହି ପ୍ଲାଟଫର୍ମକୁ ଆସିବାକୁ ବିଫଳ ହୁଅନ୍ତି, ତେବେ ସେହି ସମସ୍ତ ଅସୁବିଧାଗୁଡ଼ିକ ଅଦରକାରୀ ପରିଶ୍ରମ ହେବ । ତାହା ସମ୍ଭବ ନୁହେଁ । ଯଦି ତୁମେ ଯୋଗର ମନ୍ଥର ପ୍ରକ୍ରିୟା ନିଅ, ତେବେ ଏହି ଯୁଗରେ ଏହା ସମ୍ଭବ ନୁହେଁ । କେବଳ ଏହି ଯୁଗରେ ନୁହେଁ, ପାଞ୍ଚ ହଜାର ବର୍ଷ ପୂର୍ବେ ମଧ୍ୟ । ଏହା ସମ୍ଭବ ନୁହେଁ । ତୁମେ ହୁଏତ ତୁମର ବ୍ୟାୟାମ କରିପାରିବେ, କିନ୍ତୁ ଏହା କଦାପି ସଫଳ ହେବ ନାହିଁ । ଏହି ଯୋଗ ପ୍ରକ୍ରିୟା, ଯେହେତୁ ଏହା ଶେଷ ଅଧ୍ୟାୟରେ କୃଷ୍ଣଙ୍କ ଦ୍ୱାରା ନିଶ୍ଚିତ ହୋଇଛି... ଏହା ହେଉଛି ସପ୍ତମ ଅଧ୍ୟାୟ । ଷଷ୍ଠ ଅଧ୍ୟାୟରେ ମଧ୍ୟ ସେ ଏଇ ସମାନ କଥା କହିଛନ୍ତି, ସେହି ଯୋଗିନାମପି ସର୍ବେଷାଂ (ଭ.ଗୀ. ୬.୪୭) । "ପ୍ରଥମ ଶ୍ରେଣୀର ଯୋଗୀ, ଯାହାର ମନ ସର୍ବଦା ମୋ ସହିତ ସଂଯୁକ୍ତ, କୃଷ୍ଣ।" ତେଣୁ ଏହା ହେଉଛି କୃଷ୍ଣଭାବାନାମୃତ ।